Әлмәттә пилотсыз очкыч һөҗүм итү куркынычы аркасында сиреналар кабызылган. Шулай ук җәмәгать транспорты хәрәкәтенә вакытлыча чикләүләр кертелде. Бу хакта шәһәр администрациясе хәбәр итә.
«Куркынычсызлык максатларында пассажирларга һәм машина йөртүчеләргә кичекмәстән якындагы ышык урыннарга барырга кирәк», – дип киңәш итәләр шәһәр халкына.
Әлмәттә пилотсыз очкычлар һөҗүм итү куркынычы игълан ителде, дип хәбәр ителде Гадәттән тыш хәлләр министрлыгының рәсми кушымтасында.
Подвалларга яки паркингларга төшәргә, ә бинада булганда тәрәзә янына килмәскә киңәш иттеләр.
