Өңірде тазалықты цифрлы технологиялар арқылы бақылауда.

Ағымдағы жылдың басынан бастап Жедел басқару орталығының бейнебақылау камералары арқылы елді мекендер мен қалалар аумақтарын абаттандыру ережелерін бұзудың 4974 дерегі тіркелді .

Ең көп құқықбұзушылықтар тұрғындар тарапынан тұрмыстық қоқысты, құрылыс қалдықтарын, жиһаз бұйымдарын рұқсат етілмеген жерлерге – көпқабатты үйлердің аулаларына, жол жиегіне, қоқыс алаңдарына тастауға байланысты анықталуда. ЖБО қызметінің тиімділігі мен учаскелік полиция инспекторлары және жергілікті полиция қызметкерлерімен тығыз өзара іс-қимыл нәтижесінде құқықбұзушылар жедел анықталып, әкімшілік жауапкершілікке тартылуда.

"Құқық қорғау органдары елді мекендерді санитариялық ұстау және абаттандыру қағидаларын сақтамау Қазақстан Республикасының Әкімшілік құқықбұзушылық туралы кодексіне сәйкес айыппұл салуға әкелетінін еске салады", — делінген хабарламада.

Полиция қызметкерлері азаматтарды тазалықты сақтауға, қоршаған ортаға жауапкершілікпен қарауға және бейжай қарамауға шақырады – қоршаған ортаны ластау фактілері анықталған жағдайда жергілікті полиция органдарына хабарлау қажет.

Қоғамдық тәртіп пен санитариялық қауіпсіздікті қамтамасыз ету бағытындағы жұмыс күшейтілген режимде жалғасатын болады.

Сурет: Абай облысы ПД баспасөз қызметі